طلبات العريس ليلة الدخلة
أعزائى اعضاء وزوار اجمل صحبه
انا عارف ان منكم اللى متجوز
والاغلبية مش متجوزين
وربنا يفرحكم جميعا ويارب كل
واحد فى دماغه اى موزة
ربنا يجمعه بيها على خير وكل
واحد بيلعب ببنات الناس ربنا يقصف عمره ويوريه ايام سواد
واى بنت بتلعب بمشاعر اى شاب
وبتلعب عليه ربنا يولع فيها المهم قبل ما ندخل على الموضوع
انا حبيت اقول الكلمتين دول بس
وندخل فى الموضوع
جاهزين
انتم عارفين طبعا ان الموضوع
ده اسمه طلبات العريس ليلة الدخلة
وطبعا كل واحد وكل واحدة فيكم
بسرعة فكر فى ايه هى الطلبات اللى ممكن يطلبها العريس وهل من الممكن انى اكتبها هنا
كدا على المكشوف
خلينا نشوف الحكايه من اولها
وللعلم ان كل الاحداث من الخيال
ولا تمت باى صله للواقع ولا تمثل حياة الابطال
وندخل بقى على الحكاية
منال بنت ملتزمة جدا وتعرف الاصول
قوى بس مشكلتها انها كانت عايشة فى اسرة ريفية وانتم عارفين يعنى ايه بنت عايشة فى
الريف يعنى لازم يكون فيه عادات وتقاليد والبت لازم تمشى على عجين ما تلخبطوش
ومن هنا يدور الحوار
ام منال: يابتى قومى كلى اى لقمة
قوتى بيها نفسك
منال: لع موكلاشى خالص غير لما
تعملو كل طلباتى
ام منال: وهى دى طلبات تعقل يابتى
الناس تقول علينا ايه
منال: هموت يا اماى
ام منال: بعد الشر عليكى ياحبيبتى
بس انتى مايرضكيش الفضيحة
منال: بحبه يا امه ومقدرش اكل
من غير مايكون قصادى
ام منال: وهو الواد ده مفيش غيره
منال: ده بطل يامه تعرفى اول
البارح عمل ايه
ام منال: عمل ايه افشرى
منال: كان بيلعب بلى مسافات
طويلة فى الجرن بتاع العمدة
ام منال: انت بتقصدى مين يابتى
تكونيش ناوية تتجوزى عيل بيلعب بلى
منال: والله يا امه كسب كل البلى
اللى فى الجرن وكان مروح بيتهم مالى جلابيته بلى
ام منال: ياما جاب الغراب لأمه
منال : كلها اسبوع ويكسب البلى
اللى فى البلد كلتها ويبيعه وييجى يجوزنى
ام منال: اتنيلى يابت قال بلى
قال
منال: وماله البلى عاد مش احسن
من القعدة على القهوة
ونسيب منال تخبط فى امها وامها
تخبط فيها ونوصل مشوار صغير لسعيد
سعيد: اتفضلو يارجاله البيت
بيتكم
محمد: الف مبروك ياسعيد
سعيد: الله يبارك فيك يا ابو
عمه اتفضل
خالد : ما يجيبها الا رجالتها
يوسف : ياواد يا دااااااامد
عبدالصمد : ياسعيد ياجامد وبصوت عالى بيغنى
يعنى
والكل وراه ياسعيد ياجامد
ردو معانا ياجماعه ولا انتم معندوكوش
غير القر وبس
خلاص متزعلوش نفسيكم
ياسعيد ياجامد
فى وسط الجرن وسادد
يارب تجمع تانى
وربى يزيد ويبارك
سعيد: شكرا يارجاله وراح مطلع
كيس مليان بلى وقعد يوزع على كل واحد بليه ولما خلص التوزيع على الناس كلها كان فاضل
فى الكيس شوية بلى قول ييجى عشرة كدا راح رميهم على طول ايده وقال ما عن حد حوش
طبعا الرجالة ما صدقوا سعيد عمل كدا وهات
ياجرى وبقوا يدهوسوا على بعض عشان كل واحد يلحق اكبر عدد من البلى اللى سعيد رماه وخدوا
طريقهم وروحوا
ابو سعيد: الف مبروك ياولدى عقبال
النهائيات
سعيد: الله يبارك فيك يابوى
وراك رجاله اظن كدا من حقى الخطوبة بقى يابوى
ابوسعيد: طبعا يا ولدى الليلة
ان شاء الله هنروح نخطب منال زى ما وعدتك
سعيد: الله يكرمك ياحاج ونادى
يا اماي ياخواتى هيصوا وافرحو
اخواته: خير ياسعيد
سعيد: الليلة يارجاله هندوق
طعم الفوز بتاع البلى وهخطب منال
اخواته : الف مبروك ياخوى
سعيد : يارب عقبالكم
ابو سعيد: ريحلك شوية بقى ياولدى
قبل العشيه
سعيد: حاضر يابوى وقعد سعيد
يكلم نفسه
افرح ياسعده خلاص الجو بتاعى
هيكون ملكى اخيرا الموزة هتاخد جوزها وهشد الحزام واتجوز منال ونام وهو عمال يكلم نفسه
ويحلم بليلة الفرح الكبير
وننتقل الان الى منزل منال
يدق باب منزل منال ويقوم اخوها الكبير بفتح
الباب
اخو منال: اهلا بيكم ياعمى واهلا
بالبطل الكبير
ابو سعيد: اهلا بيك ياولدى وعقبالك
اخو منال: ما خلاص راحت علينا
ياحاج اتفضلوا
ودخلوا بيت منال وقعدوا فى القاعة الغربية
ابو سعيد: بص ياولدى طبعا انت
عارف سبب الزيارة
اخو منال: طبعا واهلا بيكم مشرفنا
ياعمى
ابو سعيد: وقلت ايه ياولدى
اخو منال: وانا اقدر اقول حاجه
سعيد بطل قومى واى واحدة تتمناه
سعيد: الله يخليك يا ابو عمو وعقبالك ياواد
ابو سعيد: خلينا فى الجد ان شاء
الله الفرح اخر الشهر شاور ورد عليا ياولدى
اخو منال: نشاور ايه ياعمى الحاج
ان شاء الله فى ميعادنا هنكون جاهزين
ابوسعيد: على بركة الله سلام
عليكم
اخو منال: وعليكم السلام نورتونا
يارجاله
وهما خارجين سعيد لمح منال وبص ليها بصة
وهو بيبتسم وغمز على عينه لقى البت سورقت وسخسخت
قال: اه وقتيه ويخلص الشهر ده
بقى
اخو منال: هيخلص اخر الشهر كلها
شهر يعنى ويخلص الشهر
سعيد: ايه النصاحة دى قال الشهر
هيخلص اخر الشهر امال يعنى هيخلص اخر السنة هههههههههههه
سعيد: انا متشكر قوى يابوى
ابو سعيد: عاوز همتك وترفع رقبتنا
بقى ياولدى فى النهائيات
سعيد: ودى ما عيزاش كلام يا بوى ان شاء
الله كل البلى اللى فى البلد
والبلاد المجاورة هيكون بين ايدك اخر السبوع
ده ان شاء الله
ابو سعيد: راجل من دهر راجل
ياد
وبعد ماروح سعيد معدش وراه اى شغلانة غير
التدريب على لعب البلى عشان يكسب البطولة
